Ngudhar Roso: Guk Mad
LIPUTANINSPIRASI, Hadirnya revolusi peradaban masyarakat 4.0 disusul 5.0 yang penuh dengan digitalisasi, semuanya sudah serba komputerisasi, serba android. Ternyata belum diimbangi dengan kesiapan-kesiapan mental, kesiapan SDM yang mumpuni dalam menjemput generasi Z. Sehingga masih terjadi digitalisasi yang berbahaya…..?
Gak bahaya tah…. ? Yo bahaya, tapi gak sepiro…..? Guyonan sentilan digitalisasi pun jadi obrolan piral di warung Yuk Ni sing dodol rujak cingur dan kopi.
Wis koyo biasane yen mari Jumatan warunge Yuk Ni dadi ampirane wong gae nyruput kopi, karo mangan rujak sing petise asli Sidoarjo. Tanggap marang wong kang klinong-klinong sabunderane Alun-alun Sidoarjo, sak marine Jumatan neng Masjid Agung. Liyane yo akeh sing golek barang kebutuhan rumah tangga opo wae ono neng dalan ngarepe masjid.
Ora let suwe, ono pelanggan setia sing nylonong. Assalamualaikum Yuk Ni…..
Waalaikumsalam eeehh.. Guk No…. dungaren klinong-klinong mampir, biasane langsung bali, nglengger neng omah. “Iyo iki mau teko Masjid Agung mampir…..,” sergah Guk No.
Mangkane klambine kok nyantri tenan, sarungan, kopyahan, surbanan wis koyok santri tenan. “Ati-ati nek sarungan awas mlorot, sak iki akeh wong sarungan anyaran he he he……… sarungan tapi ra kathok an ha ha ha……………….” Celetuk Wak Jo, karo nylonong mlebu warunge Yuk Ni pesenke rujak kangge nyonyane sing lagi kesengsem rujak cingur.
“Waduh Wak Jo ki ono-ono wae, saru he he he……” timpal Guk No.
Tapi sak ini enek sing luwih ngeri…. Ajur wis pokok e ajur….. ajur……… La piye to, jaman digitalisasi serba android iki nyatane malah ajur. Ajur mentale lan perilakune wong-wong kuwi. “La… piye to, piye to critane,” kejar Guk No penasaran.
Yo digitasisai kuwi, waduh awakmu ketok e ketinggalan jaman tenan. Sak iki kondisi masyarakat sing dulinan HP kuwi podho ngumbar pawarto sak enak e dewe. Ukoro-ukoro sing ra patut iku pado teko dewe neng HP. Pawarto-pawarto fitnah iku pada teko dewe, moro-moro ‘cling’ wis mencungul neng WA.
“Iyo, aku dewe yo melok prihatin tenan karo kahanan sak iki. Tapi kari ndelok imane wonge, HP iku mung mesin, ora iso opo-opo, opo jare sing nutul. Nek di tutul apik dadine yo apik. Nek ditutul elek, metune yo elek. Mangkane ayo generasi penerus bongso iki di didik sing apik, imane dikuatke ben ora kesasar dalane urip,” ajak Guk No karo mithes geni neng pucuk e rokok sing jik keluk-keluk beluk e.
“Wis… wis….kok geyeng temen sajak e, mbahas opo wae. Iki Wak Jo rujak e wis tak bungkus,” celetuk Yuk Ni memotong obrolan Wak Jo dengan Guk No. “Piro Yuk,” kata Wak Jo sembari membuka dompetnya. “Wis limolas ewu ae,” jawab Yuk Ni.
Ngenelo Yuk….. iki mau mbahas era digitalisasi, generasi Z. Eh… ternyata akeh sing podho ngawur digawe sak enak e dewe. Nyebar hoak, nyebar fitnah, nyebar gambar, nyebar video sing gak manfaat blas. Opo maneh iki tahun politik, sing ati-ati Yuk akeh pawarto sing mbujuk i.
Ne aku gak repot Guk… sing penting, aku karo bojoku sepakat nek ngajari utowo nyinauni bocah-bocah iku agamanes sik, imane dikuatke disik. Agama apik, imane kuat, iman kuwi podho karo pondasi. Terus nyonto lelakune budi pakertine poro nabi, poro wali, poro ulomo tak kiro ora bakal sembrono uripe. “Ngono tah……..,” sergah Guk No. “Yo iyooo,” jawab Yuk Ni.
Tapi yo kuwi pesenku, anak ora mung cukup dikek i conto-conto. Tapi yo didongakno/didoakan. “Pokok e wong tuwone yo rajin ndongo, rajin ibadah, rajin tirakat. Insya Alloh anak e yo apik,” pesan Yuk Ni sambil memasukkan uang Rp 15 ribu dari Wak Jo kedalam laci bawah meja jualannya.*
*) Namung ngudhar roso pari keno saking kulo Pawarto Sidoarjo
